29 Aug 2010

ती स्वप्नसुंदरी

ती स्वप्नसुंदरी

'सात' खिडक्या पुरेशा मी झाकतो तरी
शिरते कशी कळेना ती स्वप्नसुंदरी

जोपासतो अशी ही आम्ही समानता
राधा,टिना,करीना बाजूस श्रीहरी

जोडे सजावटीला एसी-कपाट ते
भाजी-फ़ळांस जागा, मात्र उघड्यावरी

मंगळ कह्यांत आला, कक्षेत तारका
भैरू अजून खातो कांदा नि भाकरी

जिंकून मीच हरतो, ना जिंकतो कधी
तुमचा लवाद आहे, पंच तुमचे घरी

खेड्याकडून जावे शहराकडे जसे
आकार घटत चोळी, जाते सरासरी

शेती करून मालक होणेच मूर्खता
सन्मान मोल आहे कर ’अभय’ चाकरी


                                        गंगाधर मुटे
………………………………….………………
वृत्‍त- विद्युल्लता
…………………………………………………

ही गझल श्री प्रमोद देव यांचे आवाजात ऐका.


................................................................

1 comment:

  1. धन्यवाद आशाजी,
    आभारी आहे.

    ReplyDelete