छातीचं झाकण आता बोम्लीवर आलं
हात्तिच्या बैनमाय भलतंच झालं ...... !!
चॅनल पाहावं कोणतंय तं उघडेबंब नाचते
टीव्ही पाह्यतांना पोरासंग, मायबाप लाजते
सभ्यतेची अभिरुची लईच दिसते न्यारी
अब्रू गेली ढोड्यात अन नोट झाली प्यारी
आता उघडं काय, झाकलं काय, सारखंच झालं
हात्तिच्या बैनमाय भलतंच झालं ...... !!
जलश्यातल्या पोरी कशा टगरबगर पाहे
चार लोकामंधी मात्र झाकूनझुकून राहे
जे काही करे ते अंधारात करे
उजेडात मात्र इज्जतीले मरे
आता उजेड काय, अंधार काय, सारखंच झालं
हात्तिच्या बैनमाय भलतंच झालं ...... !!
कालेजचे तोतामैना वर्गात नाय दिसत
आडमार्गी झाडाखाली बसते दात किसत
जनाची लाज ना मनाले खंत
खुलेआम प्रेमलीला, नाही त्याले अंत
आता दिवस काय, रात्र काय, सारखंच झालं
हात्तिच्या बैनमाय भलतंच झालं ...... !!
शायण्याने बगीच्यात जाऊ नये म्हणतात
बिनावार्यानं झुडपं तिथं, खल-खल हालतात
झुडपाच्या आडोशाला दोन पाखरं बसते
"प्रेम" या शब्दाचे धिंडवडे नुसते
आता भय काय, अभय काय, सारखंच झालं
हात्तिच्या बैनमाय भलतंच झालं ...... !!
गंगाधर मुटे
------------....--------------....----------...------------
------------....--------------....----------...------------
.
chala baghu
ReplyDeleteसुंदर कविता.
ReplyDeleteआजच्या परिस्थितीवर मार्मिक असे भाष्य या कवितेतून दिसून येते.
एकून छानच!
-भास्कर लोंढे
Great kawita.thanks
ReplyDelete--
MANDAR KATRE
खुप दिवसांनी तुमची कविता वाचली. आवडली हे वेगळे सांगायला नकोच हो.... :)
ReplyDeleteतुमचे लिखान वाचायला आवडते.
Nikhil
Aanakhi Nagpuri kavita yeu dyaa !
ReplyDeleteनमस्कार काका,
ReplyDeleteएकदम झकास तडका.. अगदी खरी परिस्थिती मांडलीत आपण.
"प्रेम" या शब्दाचे धिंडवडे नुसते..
ReplyDeletechhan aahe kavita ...
aani ho nagpuree tadaka tar aahech ....
मस्त
ReplyDelete